Episode 14: Point 1 – The Battle of Destiny

  Tithya aur Daksh ki halat har guzarte pal ke saath bigadti ja rahi hai. Nain aur Ray ke chehron par saaf darr dikh raha hai, par unki aankhon mein apne doston ko bachane ki zid bhi hai. Ab samay ka asli chakra shuru hone wala hai.

  The Scene:

  Nain tharr-tharrati hui awaaz mein par majboot iraade se Ray ki taraf dekhti hai.

  Nain: "Ray, mujhe thik se yaad nahi hai ki yeh sab kya chal raha hai... par main Tithya aur Daksh ko ab kuch bhi nahi hone doongi!"

  Ajnabi (Guardian): "Tum log jo bhi karna chahte ho jaldi karna hoga! Tithya aur Daksh ki halat bahut tezi se bigadti ja rahi hai, hamare paas waqt nahi hai."

  The Scene:

  Utne mein hi gufa ke andhere se woh Mantra Man (Mantra padhne wala aadmi) apni bhayanak hasi ke saath samne aata hai.

  Ajnabi (Mantra Man):"Main janta tha ki tum zaroor aaoge... par agar tum Yash sochte ho ki tum mujhe rok sakte ho, toh tumse bada murkh koi nahi hai!"

  Ajnabi (Guardian): "Main janta hoon ki main tumhe hara nahi sakta... par yeh dono tumhe zaroor hara sakte hain!"

  Ajnabi (Mantra Man): "Tumhe lagta hai ki yeh bacche mujhe hara sakte hain? Toh thik hai, koshish karke dekh lo!"

  The Scene:

  Mantra Man tezi se ek kaali urja (dark energy) ka hamla karta hai. Nain tezi se aage aakar us hamle ko rokne ki koshish karti hai, par hamla itna shaktishali hota hai ki Nain door jakar girti hai. Use gehri chot aayi hai.

  Ray (Chilla kar): "Nain! Kya tum thik ho?"

  The Scene:

  Ray ka gussa phoot padta hai. Woh Mantra Man ki taraf bhagte hue kehta hai—

  Ray: "Tumhari itni himmat ki tumne mere doston ko chot pahunchayi! Main tumhe chhodunga nahi!"

  The Scene:

  Jaise hi Ray hamla karne wala hota hai, Mantra Man us par palat kar waar karta hai, par Nain zameen se uthkar dhire se us aadmi ki shakti ko beech mein hi rok deti hai. Nain ki aankhon ka rang badal raha hai.

  Ajnabi (Mantra Man): (Herat se): "Oh... toh yeh tum ho!"

  Nain: "Ab bas bahut hua! Ab main tumhe aur nuksan pahunchane nahi doongi."

  Ray (Nain ko rokte hue): "Nain, ruk jao! Yeh khatarnak hai!"

  Ajnabi (Guardian ): (Ray se): "Ray, Nain ko rokne ki koshish mat karo!"

  Ray: "Kyun? Par Nain ghayal hai..."

  Ajnabi: "Nain hi woh wahid (only) shakti hai jo is Mantra Man ko hara sakti hai. Ray, tumhe uski shaktiyon ka andaza nahi hai. Ek wahi hai jo humein is musibat se nikal sakti hai. Isliye tumhe use rokne ki bajaye uska saath dena hoga!"

  Episode 14: Point 2 – The Race Against Time & The Cruel Game

  Nain aur Ray ka coordination dekh kar gufa ka mahaul badalne lagta hai. Ajnabi ki baatein sunkar Ray thoda darr jata hai, par Nain ki aankhon mein woh nayi aag dekh kar woh piche nahi hat-ta

  The Scene

  Ray apni poori physical strength aur focus ka use karke Mantra Man par tezi se lapakta hai. Uska maqsad Mantra Man ka dhyan bhatkana (distraction) hai taaki Nain ko attack ka mauka mile.

  Ray (Garaj kar): "Agar Nain ladegi toh main piche nahi rahunga! Tu mujhse bach kar dikha!"

  The Scene:

  Ajnabi (Mantra Man): ka poora focus Ray par chala jata hai. Usi waqt Nain, bna kisi sahare ke, apni andar ki shaktiyon ko ek jagah ikattha karti hai aur ek bhayanak 'Energy Blast' release karti hai. Mantra Man pehli baar itna bada counter-attack dekh kar hairan (surprised) ho jata hai.

  The Scene:

  Ladaai ke beech achanak Daksh ki dhadkan tez hone lagti hai aur Tithya ki saansein dhire-dhire kam ho rahi hain. Ye dekh kar woh Ajnabi (Guardian) chilla uthta hai.

  Ajnabi ( Guardian): (Chilla kar): "Ray, Nain! Tumhe jaldi karna hoga! Daksh aur Tithya ki halat bigadti ja rahi hai, unke paas waqt nahi hai!"

  The Scene:

  Ajnabi (Mantra Man): ek krur (cruel) aur bhayanak hasi ke saath unhe uksane ki koshish karta hai.

  Ajnabi (Mantra Man): "Hahaha! Tum mujhse ladoge ya apne doston ko bachoge? Dekho unki saansein saath chhod rahi hain... unki maut kareeb hai!"

  Episode 14: Point 3 – The Breaking Point & The Soul’s Resolve

  Ajnabi (Mantra Man): jab Nain ko "kamzor" kehkar uska hausla todne ki koshish karta hai, tabhi Ray ki garajti hui awaaz poori gufa mein goonjti hai.

  The Scene:

  Ray, Mantra Man ki baaton ko kat-te hue apni poori jaan laga kar uski kaali laharon (dark energy waves) ko apne hathon se rokne ki koshish karta hai taaki Nain ko rasta mil sake.

  Ray (Chilla kar): "Nain, iski baaton mein mat aana! Tu kamzor nahi hai, tu hum sabki sabse badi taqat hai!"

  The Scene:

  Ray ki himmat dekh kar woh Ajnabi (Guardian) apni gehri aur thandi awaaz mein Nain ko guide karta hai.

  Ajnabi: "Dhyan mat bhatkao Nain! Ray tumhara rasta saaf kar raha hai, tumhe wahi karna hoga jiske liye tum bani ho. Iska ye ghamand hi iska aakhri pal hoga."

  The Scene:

  Mantra Man jab dekhta hai ki Nain ki 'Shield' ko todna namumkin hai, toh woh gusse mein apni aankhein laal kar leta hai aur gufa ki zameen se ek kaali deewar (dark wall) khadi kar deta hai taaki dono ek-dusre ko dekh na sakein.

  Mantra Man: "Tum dono ki dosti hi tumhari sabse badi kamzori hai! Ab dekhta hoon kaise ek-dusre ka saath dete ho!"

  The Scene:

  Nain thoda ghabrati hai, par tabhi Ajnabi use phir se sachet (warn) karta hai.

  Ajnabi: ( Guardian ):"Nain, aankhon se nahi, dil se dekho. Ray ki presence ko mehsoos karo. Yeh deewar sirf ek dhoka hai."

  The Scene:

  Nain apni aankhein band kar leti hai aur Ray ki saans aur uski energy ko mehsoos karti hai. Tithya aur Daksh ki bigadti halat ko soch kar Nain apni 'Shield' ka ek hissa tod kar use ek tez weapon ka shape deti hai.

  Nain (Chilla kar): "Mere doston ki ek-ek saans ka hisab tujhe dena hoga!"

  The Scene:

  Nain seedha Mantra Man ke seene par attack karti hai. Mantra Man shocked reh jata hai kyunki usne socha tha Nain sirf bacha sakti hai, attack nahi kar sakti.

  Love this novel? Read it on Royal Road to ensure the author gets credit.

  The Scene:

  Nain ko bhayanak gussa aata hai aur uski aankhon ka rang aur bhi zyada dark ho jata hai. Woh apni shakti se Tithya aur Daksh ke charo taraf ek majboot 'Shield' (Dhaal) bana deti hai.

  Ajnabi (Mantra Man): (Nain ko kamzor karne ke liye): "Tum chahe jitni koshish karo, tum ab woh nahi kar paogi jo tum chahti ho! Tum pehle se bhi zyada kamzor ho gayi ho, '

  The Scene:

  Nain koi jawab nahi deti. Uski khamoshi aur woh chamakti hui 'Shield' Mantra Man ko bata rahi hai ki woh galat hai. Nain ki nazrein ab sirf dushman par tiki hain.

  Episode 14: Point 4 – The Final Choice & The Mystery of 'Scarlet'

  Nain ka wo shaktishali attack seedha Mantra Man ke seene par lagta hai aur poori gufa ek bhayanak dhamake se goonj uthti hai. Mantra Man piche hat-ta hai aur gusse mein khoon thookte hue Nain ki taraf dekhta hai.

  The Scene:

  Mantra Man dard mein hone ke bawajood ek bhayanak hasi hasta hai aur apna aakhri kaala mantra padhna shuru karta hai. Gufa ki chhat se bade-bade patthar girne lagte hain aur woh unhe Nain aur Ray ki taraf point kar deta hai.

  Mantra Man (Khoon thookte hue): "Hahaha! Tumhe lagta hai tumne jeet liya? Ab is malbe ke niche dafan hone ke liye taiyar ho jao!"

  The Scene:

  Tabhi woh Ajnabi (Guardian) tezi se aage aakar un dono ke beech khada ho jata hai aur apni shaktiyon se un bhari pattharon ko hawa mein hi rok leta hai. Uska sharir kaanp raha hai, par woh piche nahi hat-ta.

  Ajnabi ( Guardian ): (Chilla kar): "Main ise rok raha hoon, tum log turant yahan se niklo! Yeh gufa kuch hi waqt mein dhehne (collapse) wali hai! Jao!"

  The Scene:

  Ray thoda hichkichata hai, uski aankhon mein Ajnabi ke liye fikar hai, par woh Daksh aur Tithya ko apne kandhon par uthakar bahar ki taraf bhagta hai. Nain raste ke pattharon ko todte hue uska rasta saaf karti hai.

  The Scene:

  Tabhi Mantra Man gusse mein pagal hokar ek aisa naam chillata hai jo sab kuch rok deta hai.

  Ajnabi (Mantra Man): (Paagalon ki tarah): "Tum kahan ja rahi ho? Tumhe lagta hai ki tum is tarah bhag sakti ho? SCARLET... Wapas aao!"

  The Scene:

  Nain ke kadam wahin thak gaye (frozen). Usne ek pal ke liye palat kar Mantra Man ki taraf hairani (shock) se dekha. Woh naam uske kaanon mein bijli ki tarah kaund raha tha. Usne dekha ki Mantra Man ki aankhon mein sirf nafrat nahi, balki koi purana gehra raaz chupa hai.

  The Scene:

  Nain ka dil zor se dhadakne lagta hai, par Tithya ki rukti hui saansein dekh kar woh khud ko sambhalti hai aur bina kuch kahe tezi se bahar ki taraf nikal jati hai. Piche gufa se sirf pattharon ke girne ki awaazein reh jati hain.

  Episode 14: Point 5 – The Silence of Hampi & The Official Briefing

  Gufa ke dheyne ke baad charo taraf dhool ka gubaar tha. Nain aur Ray malbe ke paas khade apne doston ko dekh rahe the, tabhi andheri raat mein kayi saari torches ki lights un par padti hain aur Rescue Officers ka shor goonj uthta hai.

  The Scene:

  Samne Rescue Team aur unke Officers khade hain. Unhe dekhte hi Officers chilla uthte hain— "Mil gaye! Woh log yahan hain! Mil gaye!" Jaise hi Rescue Team unke paas pahunchti hai, Ray ki shakti apne aap khatam hone lagti hai aur woh apne normal human form mein wapas aa jata hai. Nain ki shaktiyan bhi automatically off ho jati hain. Tithya aur Daksh jo pehle hi behosh hain, unka sharir bhi normal ho jata hai. Woh ab bas char masoom zakhmi bacche lag rahe hain.

  The Scene:

  Rescue team turant in charon ko sambhalti hai. Gufa ke bahar Education Team ke Leaders, Captains aur Camp ke bade Officers unka intezar kar rahe hain. Charon ko stretcher par lita diya jata hai. Nain ka haath abhi bhi Tithya ke haath mein hai. Woh apni thaki hui aur kamzor awaaz mein dhire-dhire Tithya ko pukaarti hai, par Tithya koi jawab nahi deti.

  Nain (Dhire se): "Tithya... Tithya suno... hum bahar aa gaye hain... utho Tithya..."

  The Scene:

  Ray hosh khone se pehle sirf piche dhey chuki gufa ki taraf dekh raha hai. Uske mann mein ab bhi us Ajnabi (Guardian) ka chehra ghoom raha hai. Raat ke 3:30 baj rahe hain, sannate ke beech ek Junior Officer file lekar Camp Leader aur Chief ke paas aata hai.

  Junior Officer (Salute karte hue): "Sir! Raat ke 3:30 baj chuke hain aur ye abhi ki current report hai! Humne site se saara evidence collect kar liya hai."

  The Scene:

  Officer report padhna shuru karta hai, jabki piche background mein team woh saara samaan dikhati hai jo unhe malbe se mila hai.

  Highlighted Evidence (Student's Belongings):

  * Daksh’s Medical Kit: Dhool se bhari hui kit, jismein se Daksh ne emergency meds nikali thi.

  * Tithya’s Archaeological Tech Kit: Vlogging bag aur high-tech sensors, jo ab puri tarah toot chuke hain.

  * Ray’s Digital Camera: Wo camera jismein gufa ke andar ki recordings ho sakti hain.

  * Nain’s Research Papers, Ancient Amulet & Scripture: Camp room se mile maps aur gufa se mila wo prachin 'Tap' (Scripture) Mila hai

  [OFFICIAL INCIDENT REPORT - CAMP HAMPI]

  Time: 03:30 AM

  Junior Officer (Briefing dete hue): "Sir, investigation ke mutabik ye students yahan unusual electronic frequencies track kar rahe the. Medical aur Archaeology teams ne confirm kiya hai ki unke sensors ne pehle signals detect kiye the, par collapse ke baad sab vanished ho gaya hai. Nain ke room se mile papers confirm karte hain ki ye group construction site ke paas purani caves dhoond raha tha."

  Chief (Ghambeer awaaz mein): "Injuries ka kya status hai?"

  Junior Officer: "Gufa prachin aur kamzor hone ki wajah se gir gayi thi, Sir. Kisi jungli janwar ka koi nishaan nahi mila hai. Do students critical hain aur MP transfer kiye ja rahe hain. Baaki do zakhmi hain par hosh mein hain." ??

  The News Report (TV Anchor Voice):

  "Hampi rescue operation se judi is waqt ki badi khabar. Raat ke saade teen baj chuke hain aur gufa ke malbe se charon students ko nikal liya gaya hai. Security reasons ki wajah se hum unki pehchan gupt rakh rahe hain. Sutron ka maanna hai ki shayad wahan koi jungli janwar tha jisne un par hamla kiya, par hairani ki baat ye hai ki jungli janwar ka koi bhi nishaan wahan nahi mila hai. Reports ke anusar, research ke dauran rasta bhatakne ki wajah se ye dardnak hadsa hua. Inhe turant medical aid ke liye bheja gaya hai."

  The Scene

  Ray aur Nain hospital bed par khamoshi se ye news sun rahe hain. Duniya ke liye ye sirf ek 'accident' hai, par unhe pata hai ki wo Report unki ladaai aur "Scarlet" ke raaz ko parde ke niche daba rahi hai.

  Episode 14: Scene 5 point 2 – The Vanishing Evidence & The Shadow & The Official Briefing

  Hampi mein halki-halki barish shuru ho chuki hai, jiske saath officers ki bhag-daud aur shor aur bhi gehra lag raha hai.

  The Scene:

  Wahan ek badi table rakhi hai jis par gufa se nikli hui prachin cheezein (artifacts) bikhri padi hain. Unke beech in charon ke wo tools bhi rakhe hain jo ab evidence banchuke hain:

  * Daksh’s Medical Kit

  * Tithya’s Archaeological Tech Kit

  * Nain’s Research Papers & Ancient Tap Notes

  * Ray’s Camera & Torch

  The Scene:

  Ek student wahan khadi ek Lady Officer ke paas aata hai aur dhire se kehta hai— "Ma'am, aapko Camp Leader ne bulaya hai."

  Lady Officer mudti hai aur kehti hai— "Theek hai."

  The Scene:

  Jaise hi woh Lady Officer Camp Leader ki taraf badhti hai, woh student wahan akela reh jata hai. Woh pehle un charon tools ko dekhta hai, aur phir dhyan se us Officer aur Camp Leader ki taraf dekhta hai, jaise kuch observe kar raha ho.

  The Scene (Switch):

  Scene switch hota hai Officers ki taraf. Woh Lady Officer Camp Leader ke paas pahunch kar kehti hai— "Sir, aapne mujhe bulaya?"

  Camp Leader (file dekhte hue): "Nahi... achha theek hai, tum aa gayi ho toh ye batao ki... UN students ki jo tools mile The unke bare mein kuchh pata Chala...

  The Scene:

  Lady Officer, Camp Leader ke paas aati hai aur unhe briefing dena shuru karti hai. Woh table ki taraf ishara karte hue kehti hai:

  Lady Officer: "Sir, Daksh ka medical tool poori tarah se toot chuka hai aur Tithya ke tool ka bhi yahi haal hai... par Ray ka camera kaam kar raha hai aur Nain ke papers aur uske 'Tap' (Scripture) bhi hai hamare paas."

  The Scene:

  Woh Camp Leader ko dikhane ke liye table ki taraf lekar jati hai, par jaise hi unki nazar table par padti hai, unke hosh ud jate hain.

  Lady Officer (Hairani aur darr se): "Ye... ye kaise ho sakta hai? Sir, Ray ka camera aur Nain ke papers aur 'Tap'... woh gayab hain! Maine unhe yahin par rakha tha, par pata nahi kahan chale gaye!"

  Camp Leader (Gusse mein): "Kya? Yahin rakha tha toh gaya kahan? Use dhoondo, jitni jaldi ho sake dhoondo!"

  The Scene:

  Wahan maujood woh student khamoshi se ye sab dekh raha hai. Woh ek nazar un bache hue toote tools (Daksh aur Tithya ke) ko dekhta hai aur phir us Officer aur Camp Leader ki taraf dekhta hai. Uski aankhon mein ek ajeeb sa sukoon hai.

  The Scene (The Shadow):

  Tabhi scene switch hota hai thoda door ek bade ped ki taraf. Barish ki dhundh mein ped ke niche wahi kaali Perchayi (Shadow) khadi hai. Uske haath mein Ray ka camera aur Nain ka wo prachin 'Tap' aur papers hain. Woh un cheezon ko aise pakde hue hai jaise wo usi ki amanat hon.

  Episode 14: Point 6 – The Hospital Vow & Echoes in the Silence

  Hospital ka cabin bilkul thanda aur khamosh hai. Sirf heart monitor ki "beep-beep" ki awaaz sannate ko cheer rahi hai. Ray aur Nain paas-paas ke beds par lete hain, unki aankhein chhat (ceiling) ki taraf hain, par unka dimaag kahin aur hai.

  The Scene (Ray's Mind):

  Ray khamoshi se Nain ki taraf dekhta hai, par kuch bolta nahi. Uske dimaag mein gufa ke manzar kisi film ki tarah chal rahe hain. Usne wo naam suna tha... woh bhayanak cheekh aur wo ajeeb sa darr.

  Ray (Mann mein): "Mantra Man ne use 'Scarlet' kyun kaha? Woh Ajnabi kaun tha jo hamari khatir wahan ruk gaya? Duniya ke liye ye sirf ek hadsa hai... par main jaanta hoon ki humne maut ko bahut kareeb se dekha hai. Tithya aur Daksh is haal mein hain aur hum... hum bas yahan bebas lete hain. Kya ye sab sach mein sirf ek ittefaq tha?"

  The Scene (Nain's Mind):

  Nain ki aankhein bilkul pathrayi hui hain. Uske kaanon mein ab bhi wahi ek naam goonj raha hai— "Scarlet". Uska haath thoda sa kaanpta hai par woh khud ko sambhal leti hai.

  Nain (Mann mein): "Scarlet... jab usne ye naam liya, toh mere andar kuch jaag utha tha. Jaise meri ragon mein daudne wala khoon mujhse kuch kehna chahta ho. Kya mera koi purana rishta hai is jagah se? Sab kuch khatam ho gaya... humara project, hamara safar... par ye darr ab hamesha ke liye mere saath jud gaya hai. Kya main kabhi sach jaan paungi? "aur Nain ki aankhein achanak 'Scarlet' (gehri laal) chamakti hain aur phir normal ho jati hain.

  The Scene :

  Bahar ambulance ki lights unke chehre par pad rahi hain.Dono khamosh hain, par dono ke dimaag mein sawalon ka ek toofan utha hai. Tithya aur Daksh agle kamre mein maut ventilators par hain, aur zindagi ki jung lad rahe hain, aur yahan ye dono us sacchai ke bojh tale dabe hain jise duniya ne "Accident" ka naam de diya hai.

  "The secret is safe for now, but the silence is louder than the scream."

  [ EPISODE 14 closing message ]

  "Duniya ke liye ye sirf ek 'Ancient Cave Accident' tha... par Ray aur Nain jaante hain ki us raat us andheri gufa mein kya dafan hua hai. Kya Tithya aur Daksh phir se apni aankhein kholenge? Aur sabse bada sawal—Kaun hai 'Scarlet', jiske naam se purane dushman bhi

  kaanpte hain? Sach ab sirf un khamosh hospital ki deewaron ke beech qaid hai, aur woh 'Perchayi' ab bhi kisi ke intezar mein khadi hai."